3º CONCURSO DE ESPANTALLOS
Desde a Asociación de Veciños O Chedeiro de Cerponzóns convocamos o terceiro concurso de espantallos.
Tralos dous primeiros anos, que foi apoiado por moitos de vos, queremos que a terceira edición sexa aínda máis exitosa e que se vaia recuperando esta figura por todos os lugares da parroquia.
Estamos seguros que un ano máis a veciñanza vai demostrar a súa creatividade a través de aproveitar materiais que se poidan reciclar, como alambres, roupa usada, papel, latas, cd’s, botellas de plástico…
Como anos anteriores os espantallos terán que estar confeccionados entre os meses de abril e maio, para que a primeiros do mes de xuño demos a coñecer os gañadores.
Como anos anteriores ir enviando fotografías dos vosos espantallos conforme os teñades feitos.
A participación está aberta a todos os veciños de Cerponzóns.
