Boas noticias para finalizar o ano.
Desde o Departamento de Estradas de Galícia estiveron esta semana realizando unha limpeza en profundidade á Ponte Malvar.
Aínda que a espera foi un pouco longa, desde a Asociación de Veciños O Chedeiro agradecemos que tivesen en conta unha das nosas demandas.
ASAMBLEA DE SOCIOS/AS, HOXE SÁBADO 18 AS 19:30.
CAMPAÑA RECOLLIDA RESIDUOS PERIGOSOS, DOMINGO 19, DE 11 a 12 Horas.
TEMPO DE NADAL, MERCORES 29 e XOVES 30, AS 17:00 Horas.
PONTEXOGOS, MARTES 4 DE XANEIRO 2022, A PARTIR DAS 16:00 Horas.
SÁBADO 18 DECEMBRO
ASAMBLEA XERAL DA ASOCIACIÓN DE VECIÑOS O CHEDEIRO.
LOCAL SOCIAL (ANTIGA CASA DOS MESTRES)
AS 19:30 DA TARDE.
IMPRESCINDIBLE ASISTIR CON MÁSCARA.
SE HOUBESE CAMBIOS NAS RESTRICCIÓNS SANITARIAS, AVISARÍAMOS.
ROGASE ASISTENCIA
FALAREMOS DA CONTINUIDADE DA ASOCIACIÓN DE VECIÑOS OU DO CESE DA SUA ACTIVIDADE.
Boas tardes.
Recordade que a asociación de Veciños O Chedeiro de Cerponzóns xunto coa Concellería de Desenvolvemento Sostible e Medio Natural, que dirixe IVÁN PUENTES, iniciou unha campaña a partir do 21 de Marzo coa veciñanza da parroquia.
Esta campaña consiste na entrega de árbores ou plantas a cambio de residuos perigosos para o espazo natural.
Coa entrega de 25 pilas ou 10 cargadores ou 10 cartuchos de tinta, cada persoa recibirá unha árbore ou unha planta.
A función da campaña é a de sensibilizar aos veciños da importancia que ten evitar destinar estes elementos ao lixo xa que necesitan un tratamento especial que evite a contaminación.
Ésta campaña remata o próximo mes de Decembro, uns días antes imos necesitar que por privado vaiades indicándonos cantas pilas, cargadores ou cartuchos tedes.
Grazas por colaborar.
16 NOVEMBRO 2021, DIA DO PATRIMONIO MUNDIAL
O Patrimonio Mundial constitúe todos os bens naturais e culturais que existen no mundo e que forman parte da riqueza e a herdanza de toda a humanidade. De aí a importancia do seu coidado, protección e preservación.
Actualmente, moitos destes sitios atópanse en total abandono e faltos dun mínimo mantemento, é o caso da nosa Ponte Malvar.
Desde a Asociación de Veciños O Chedeiro de Cerponzóns seguimos reclamando e denunciando o seu estado, por unha banda a falta de mantemento da estrutura, doutra banda, a falta de limpeza nas súas paredes e nos pasos habituados para os peons, imposible de pasar por eles dada a cantidade de silvas que hai. O lugar está cada vez peor, non hai zonas por onde poidan camiñar seguros os veciños e calquera outro visitante que adoitan acudir a observar o cruceiro e a ponte ou dar un paseo ao longo do tramo da N 550.
Van seis anos que nun pleno celebrado no Concello de Pontevedra todos os partidos políticos aprobaron por maioría pedir o traspaso do tramo antigo da N550, pero a cousa está parada, seguimos igual, parece que ningunha das administracións implicadas están polo labor.
Desde a Asociación de Veciños O Chedeiro de Cerponzóns denunciamos o comportamento irresponsable que están tendo as administracións competentes que teñen que ver con iso, o noso patrimonio debemos coidalo, xa vai sendo hora.
#DíaInternacionaldelPatrimonioMundial
#ochedeiro.com
Coa presenza de mais de cen veciños e veciñas o domingo día 7 de Novembro a Asc. de Veciños e a Asc. Cultural celebraron un pequeno Magosto, que comenzou as 10:45 horas ata as 12:30 apx. que rematamos co pouco chocolate e o viño que sobrou, as castañas xa se habían agotado todas uns intres antes.
Non debemos de deixar morrer as nosas tradicións, e o Magosto é unha tradición que a Asociación Cultural Chan do Monte leva durante muitísimos anos traballando arreo para goce dos veciños.
Hubo música, a cargo do Grupo Folk Sete Tarabelos, entrega de agasallos os participantes no Concurso de Calacús, tamén hubo castañas, viño é chocolate.
Desta vez contamos coa colaboración da Exc. Deputacion de Pontevedra.
É primordial manter as nosas tradicións, como se poida, pero non debemos deixalas ir.
Xa virán tempos mellores.
ORGANIZADO POR ASC.C.D. CHAN DO MONTE E ASC. V. O CHEDEIRO.
A Plataforma SOS Sanidade Pública convoca unha manifestación para o domingo 14 de novembro, a partir das 12.00 horas, en Santiago de Compostela.
Sentimos preocupación porque nos Centros de Saúde continúe primando a atención telefónica. Xa desde 2008 se rexistran recortes na Atención Primaria e, coa pandemia, a situación converteuse en mui preocupante, os pacientes están obrigados a realizar múltiples chamadas para contactar cos seus centros sanitarios e, cando contactan, deben esperar ata quince días para obter unha cita telefónica e moito máis tempo para lograr unha cita presencial.
Cando un paciente nota a falta recursos nos Centros de Saúde, recorre a Urxencias, provocando saturación do servizo. Se a Atención Primaria vai indo cada vez a menos, o sistema sanitario colapsa.
O presidente da ffvv Castelao, Juan Manuel Loureiro, comentou fai uns dias que é necesario que se substitúan aos profesionais sanitarios cando se xubilan e que os Centros de Saúde deixen de ser «meros tramitadores de documentación».
Desde a Asc. de Veciños O Chedeiro, integrada na ffvv Castelao, somos conscientes da necesidade de investimentos na Sanidade Pública.
Son muitos os veciños, que falando con eles, nos comentan a precariedade que notan de uns anos a esta parte cando teñen que acudir o Ambulatorio ou a Montecelo.
O dia 14 de Novembro a Plataforma SOS Sanidade Pública convoca unha manifestación en Santiago, as persoas interesadas en viaxar a Compostela para participar neste acto dispondrán de autobuses gratis.
Conforme se sepa a hora e punto de saída informaremos delo.
CENTRO SOCIAL DE CERPONZÓNS
Domingo 24 de Outubro 2021
Hora 19:00
Entrada libre ata completar aforo
LAVANDEIRAS :
As mulleres á beira do río, de xeonllos, fregando a roupa tecen unha estampa que se repetiu ao longo da nosa historia.
Ao seu redor, as lendas e as historias sucédense por toda a nosa xeografía, tanto física como identitaria.
Recollemos parte dese patrimonio oral, dende as lavandeiras nocturnas enchoupadas en sangue até o traballo colectivo das lavandeiras de Redondela, na Illa de San Simón cando a guerra.
Tamén contamos de Manuela Lores, e cantamos as fontes, os ríos.
Poñemos os pés a remollo cada día…
Colaboran : Concellería de Igualdade do Concello de Pontevedra é Asc. de Veciños O Chedeiro de Cerponzóns
